ரஜினியை சீண்டிய பார்த்திபன்? அடுத்த நிமிஷமே தொப்புக்கடீர்!

ரஜினி கட்சி ஆரம்பிப்பாரா என்ற ரசிகர்களின் கேள்விக்கு, ஆண்டவனைதான் கேட்கணும் என்று நடப்பு நிஜத்தை நக்கலாக கூறியிருந்தார் நடிகர் பார்த்திபன். இது ரஜினியின் காது வரை சென்றுவிட்டது. அப்புறம்? விளக்கெண்ணையில் வாழை பழத்தை புரட்டியெடுத்து அதை ஒரு அறிக்கையாக வெளியிட்டுவிட்டார். அந்த வழவழ கொழ கொழ அறிக்கை கீழே-

கமல்+ரஜினி ரசிகன் நான். அதிலும் ரஜனி சார் எனக்கு மிக நெருக்கமான நண்பர்! என் வளர்ச்சியில் அக்கரை காட்டியவர். பாபுஜி என்ற தயாரிப்பாளரிடம் ” பார்த்திபனை heroவா போட்டு படம் எடுங்கள்” எனத்தூண்டியவர். Ktvi பார்த்து மெச்சியவர். அவருடன் விவாதங்களில்… என் எதிர் கருத்தை ரசித்து மதிப்பவர். தாரனத்திற்கு “எந்த கோவிலுக்கு வெளியே பிச்சைக்காரர்கள் இல்லையோ அந்த கோவிலுக்கு உள்ளே தான் கடவுள் இருக்கிறார்” என்ற என் அக(ழ்வு)ஆராய்ச்சி கூட மறுப்பாக இருந்தாலும் வெறுப்பாக நோக்கமாட்டார். நேற்றைய என் பேட்டி கூட அவர் சொன்ன அதே வார்த்தைகளை வழக்கமான என் நகைச்சுவை கலந்து ரசிக்க சொன்னதேயன்றி அவரது ரசிகர்களை புண்படுத்தும் நோக்கமில்லை. அப்படியானால் அது என்னையும் தானே புண்படுத்தும்? (காண்க முதல் வரி).

இதே கேள்விகளுக்கு இதே பதில்களை இதே சிரிப்புடன் போன மாதமும் சொன்னேன் சிறு சலசலப்புமில்லை ஆனால் நேற்றைய மேடையும் சூழலும் ஏதோ ஒரு அரசியலை கிண்டியிருப்பதை அறிகிறேன்.

இருவரும் அரசியலுக்கு வந்தாலும் ஆதரிப்பேன். காரணம், அரசியலில் ஆதாயம் தேவையில்லை இருவருக்கும். ஆனால் விமர்சிப்பது தனிமனித உரிமை.பொதுவாழ்வில் விமர்சனங்களை எதிர் கொள்ள இன்னும் தொண்டர்களாக மாறாத ரசிகர்களுக்கு சிரமமாகவே இருப்பதால் அவர்களின் கோபத்தை சிலர் கொச்சையாகவும் பலர் ரஜனி சாரின் கண்ணியத்துடனும் மரியாதையுடனும்”நீங்களுமா?” என அதிர்ந்திருக்கிறார்கள் அவர்களின் மென்மையான உணர்வு புரிவதால் இந்த விளக்கத்தை மனப்பூர்வமாக தெரிவிக்கிறேன். நீண்ட நாட்களாக எதிர்பார்ப்பை ஏற்படுத்தி வரும் அந்த நாள் விரைவில் வர வேண்டுமென அவர் வணங்கும் ஆண்டவனை நானும் வேண்டுகிறேன் !

1 Comment

  1. Vijay says:

    தலைவர் வராரு, வெற்றி அடையிறாரு.
    சூப்பர் ஸ்டார் ரஜினி அவர்களுக்கு தமிழக மக்கள் சேவை செய்ய வாய்ப்பு ஏற்படுத்தி தரவேண்டும்.

Leave a Reply

News in Tamilnadu

Facebook

Follow Us on Twitter

Read previous post:
simbu oviya
ஓவியா சிம்பு ஒருதலை ராகம்!

Close