மறைந்த பின்பும் அடங்காத ஆத்திரம்! கமலின் கல்நெஞ்ச இரங்கல் பின்னணி இதுதான்!

எத்தனை ஆத்திரம் வந்தாலும், ஆள் செத்த பின்பு கொள்வது சரியல்ல! இதுதான் நம் முன்னோர் பண்பாடு.

ஆனால் முன்னோர் பெருமை முற்றாக அறிந்த கமல், அப்படி நடந்து கொள்ளவில்லையே என்பதுதான் அதிமுக வினரின் வருத்தமும் கவலையும்! தற்போது அமெரிக்காவிலிருக்கும் கமல், ஜெயலலிதாவின் மறைவுக்கு வந்திருக்க முடியாதுதான். ஆனால் ட்விட்டரில் தன் இரங்கலை முறையாக தெரிவித்திருக்கலாமே என்பதுதான் பலரது வேதனை. 5 ந் தேதி நள்ளிரவில் இறந்துவிட்டதாக அறிவிக்கப்பட்ட ஜெயலலிதாவுக்கு, மறுநாள் தனது இரங்கலை ட்விட்டர் மூலம் தெரிவித்தார் கமல். அதில், சார்ந்தோர் அனைவர்க்கும் ஆழ்ந்த அனுதாபங்கள் என்று ஒரு வரியோடு முடித்துக் கொண்டார்.

இப்படி பட்டும் படாமலும், படிப்பவர் உள்ளங்களை தொட்டும் தொடாமலும் ஒரு ட்விட் தேவையா? என்று முகம் சுளித்தது தமிழகம்.

விஸ்வரூபம் படம் வெளியாகிற நேரத்தில் அதற்கு தடை விதித்தது தமிழக அரசு. அப்போது நான் இந்தியாவை விட்டே வெளியேறுவேன் என்றார் கமல். எப்படியோ? அந்தப்படம் வந்தது. வென்றது. அந்த வெற்றிக்கு காரணம் படத்திலிருந்த சுவாரஸ்யம் அல்ல. ஜெ அரசு விதித்த தடைதான். ஒருவேளை அந்த பரபரப்பு இல்லையென்றால், அந்தப்படம் கமலின் தோல்விப்பட வரிசையில் ஒன்றாகியிருக்கும் என்பதை கமலே கூட ஒப்புக் கொள்வார். நியாயமாக இந்த தடைக்காக அவர் தனியாக ஜெ.வை சந்தித்து ஒரு பொக்கே அல்லவா கொடுத்திருக்க வேண்டும்?

அதற்கப்புறம், பாபநாசம் படத்திற்கு வரிவிலக்கு மறுக்கப்பட்டது. முதலில் அதிர்ச்சியாக இருந்தாலும், அரசின் இந்த முடிவை வரவேற்பதாக அறிவித்தார் கமல். என்னடா இப்படி இவரே வரவேற்கிறாரே? என்று ஊர் உலகமே சரக்கடிக்கிற நிலைக்கு ஆளானது. சினிமா நூற்றாண்டு விழா மேடையில் ரஜினி, இளையராஜா, போன்ற ஜாம்பவான்களை நிற்க வைத்துவிட்டு, நேற்று வந்தவர்களுக்கு நாற்காலி வழங்கப்பட்டது. ரஜினி இளையராஜாவோடு வேறு வழியின்றி நின்ற ஜாம்பவான்களில் ஒருவர் கமல். அந்தக் கோபத்தை கூட இப்போது வலிய வலிய தன் நினைவுக்கு கொண்டு வந்தாரோ என்னவோ?

நமது டவுட்டெல்லாம் இதுதான். உங்களோடு அங்கு நின்ற ரஜினியும், இளையராஜாவுமே நேரில் வந்து அஞ்சலி செலுத்தி, பெருங்கருணை கொண்ட போது, உங்களுக்கு மட்டும் ஏன் கமல் இப்படி? ட்விட்டரில் 140 வார்த்தைகளுக்கு மேல் கூடாது என்கிற சட்டத்தை அந்த நிறுவனமே தளர்த்திவிட்டதே சார்?

3 Comments

  1. Semma says:

    Naalu Vaarthaiye Jasthi.. Poi avellaiya Paarunga. Pulla kuttiya Kaapathu ga

  2. Unknown Reader says:

    Hitler being dead now doesn’t make him any less evil. Same goes for one of the most corrupt politician and egomaniac Jayalalithaa. Tamils are so blind and worship politicians/actors no matter how corrupt they are. People easily forget. Chennai floods happened same time last year.

  3. Nasraf says:

    கடந்த 75 நாட்களாக அப்பலோவை மையம் கொண்டிருந்த மர்மம் ஒன்று கரை கடந்து விட்டதாக அறிவிக்கப்பட்டதை அடுத்து முடிவுக்கு வந்திருக்கிறது.

    ஜெயலலிதா.

    இவரை எப்படி மதிப்பிடுவது?
    மரணம் அவர் உடலைக் குடித்து விட்டது என்பதற்காக,
    அந்தக் கோப்பையில் நிரம்பியிருந்த வஞ்சக நஞ்சு
    அமுதமாக மாறிவிடுமா?

    மரணத்தின் பொருட்டு தான் ஒருவரை மதிப்பிட வேண்டுமென்றால்
    யாரும் இங்கே அயோக்கியர்கள் அல்லர்.
    அல்லது,
    மரணத்தை முன்வைத்து ஒருவரை புனிதராக்கிக் கொள்ள முடியுமென்றால்
    அற்பனென்றோ, அற்புதனென்றோ யாராவது இருக்க முடியுமா?

    எது ஆளுமை?
    ஒற்றைக் கையெழுத்தில் சாலைப் பணியாளர்களை குப்பை போல் விசிரியடித்ததா?
    வேட்பாளர் படிவத்தில் சுயநினைவின்றி உருட்டப்பட்ட பெருவிரலா?

    சமச்சீர் கல்வியை உச்ச நீதி மன்றம் வரை விரட்டிச் சென்றதா?
    பத்துமுறை உத்தரவிட்டும் கூட அண்ணா நூலகத்தை செல்லா நூலகமாக்கியதா?

    மின்கட்டண உயர்வை கசப்பு மருந்தாக அறிவித்ததா?
    கார்டனுக்கு கூப்பிட்டு மின்சார அமைச்சரிடம் மூவாயிரம் கோடி கறந்ததா?
    அமைச்சர்களுக்கு மியூசிகல் சேர் நடத்தியதா?

    துணிச்சலா? திமிரா?
    ஒத்தை ரூபாய் சம்பளத்தில்
    கோடிகளைக் கொட்டி நடத்திய திருமணம் திமிரா, துணிச்சலா?

    பதினெட்டு ஆண்டுகளாய் ஜவ்வு மிட்டாய் தின்று
    குமாரசாமியின் கால்குலேட்டரை திருடியது திமிரா, துணிச்சலா?

    செம்பரம்பாக்கம் ஏரி காத்த அம்மனாய் தூங்கி விட்டு
    மாண்டதெத்தனை, அழிந்ததெவ்வளவு கணக்கு சொல்லாதது திமிரா, துணிச்சலா?
    இல்லை,
    டாஸ்மாக்கில் பெண்களின் வாழ்வை தள்ளாட வைத்ததா?

    இது நிர்வாகத் திறமையா?
    துரைமுருகன் சேலை இழுத்தார்,
    ஜானகி மோரில் விசம் வைத்தார்.
    சென்னா ரெட்டி கையைப் பிடித்தார்,
    இது என் கையெழுத்தே இல்லை.

    விடாமுயற்சிக்கு இது தான் பொருளோ
    91ல் ராஜிவ் காந்தி
    2001ல் பெரிய கூட்டணி
    2011ல் விஜயகாந்த்
    2016ல் வைகோவும் தேர்தல் கமிசனும்.
    ஆண்களுக்கு மத்தியில் ஒற்றைப் பெண்
    கட்சியையும், ஆட்சியையும் கைப்பற்றிய
    நிர்வாகத் திறமை இது தான்

    பாசிச கோமாளியின் பித்துக்கு
    தமிழக மக்கள் கொடுத்த விலை
    ஜெயலலிதா.
    எல்லாவற்றையும் மரணத்தால் மறந்து விட வேண்டுமோ!

    இதோ,
    மண்டைக்காடு தொட்டு கோவை வழி முட்டி மோதிய காவி வானரங்கள்
    அப்பல்லோவில் நாக்கைச் சொட்டி
    பிணத்தின் பின்னே நுழைந்து நிற்கிறது.

    அம்மாவை இறக்கி வைத்து விட்டு
    ஆட்டத்துக்கு வாருங்கள் அடிமைகளே!

Leave a Reply

Facebook

Follow Us on Twitter